Þann 19. febrúar var haldið fræðslukvöld í Norræna húsinu um bókara hljómsveita og tónleikaferðalög. Á fræðslukvöldinu var leitast við að svara spurningum svo sem hvernig finna hljómsveitir sér bókara, hversu mikið fá bókarar greitt af innkomu tónleika erlendis, hvernig samkomulag gera hljómsveitir við þá og hvað ber að forðast þegar samið er við bókara, á hvaða tímapunkti þurfa hljómsveitir að fá sér bókara, geta hljómsveitir séð um bókanir á tónleikum sjálfar og svo framvegis.

ÚTÓN stóð fyrir könnun á nýliðinni Iceland Airwaves hátíð þar sem aðalmarkmiðið var að kanna útgjöld erlendra gesta hátíðarinnar.

Þann 9. oktober 2012 var fræðslukvöld í Norræna húsinu kl. 19:00-22:00 og fjallaði það um skattamál tónlistarmanna og annarra sem starfa í skapandi greinum. Á námskeiðinu var leitast við að svara spurningum um hvað bera að hafa í huga varðandi skattamál, fjallað var um hvort hljómsveitir ættu að stofna fyrirtæki í kringum rekstur sinn, hvernig ætti að reikna laun og tekjuskatt o.s.frv. Þá var einnig fjallað um tvísköttunarsamninga en hljómsveitir þurfa að þekkja þá vel þegar þær spila utan landsteinanna.