“Ef ég væri ríkur” söng fiðlarinn á þakinu í samnefndum söngleik og speglaði þar óskir og þrár margra söngelskra fiðluleikara og nei, ég er ekki að fara að tala um Júróvissjón og Gretu Salome. Það voru þín orð, eins og fyrrverandi forsætisráðherra myndi segja.

ÚTÓN hefur í tæpt ár safnað saman upplýsingum um tónleika íslenskra hljómsveita erlendis í þeim tilgangi að koma þeim á framfæri á tenglinum ‘Live / Gigs Abroad’ á Icelandmusic.is. ÚTÓN hvetur tónlistarmenn og hljómsveitir til að senda lista yfir tónleika sína á erlendri grund.

Þeir sem hafa hug á því að sækja Reeperbahn showcase-hátíðina í Hamborg í September geta fengið afslátt af miðaverðinu í gegnum ÚTÓN.

Jakob Frímann Magnússon hefur tekið sæti í stjórn ÚTÓN sem fulltrúi STEF en sætinu gegndi áður Sigtryggur Baldursson, nýráðinn framkvæmdastjóri ÚTÓN.

Tónlistarmenn geta nú innskráð sig og uppfært prófíla sína eða stofnað nýja á icelandmusic.is en heimasíðan var tekin í gegn fyrir jól þegar ÚTÓN fagnaði 5 ára afmæli sínu. Heimasíðan var endurhönnuð frá grunni og þar á meðal innskráningarkerfi tónlistarmanna, eða ‘Artist area’, sem nú er tilbúið til notkunar.