Record in Iceland – 25% endurgreiðslur á hljóðritunarkostnaði sem stofnað er til hér á landi
Record in Iceland verkefnið gengur út á að kynna 25% endurgreiðslur á hljóðritunarkostnaði sem stofnað er til hér á landi. Framkvæmd kynningar er í höndum ÚTÓN en endurgreiðslurnar koma beint frá menningar- og viðskiptaráðuneytinu.
Hér má finna lög um tímabundnar endurgreiðslur vegna hljóðritunar á tónlist.
Markmið laga nr. 110/2016 um endurgreiðslu vegna hljóðritunar er að efla tónlistariðnað á Íslandi og geta innlendir sem erlendir aðilar fengið 25% endurgreiðslu á þeim kostnaði sem stofnað er til hér á landi.
Helstu skilyrði
Hljóðritin eru að lágmarki 14 mínútur að lengd (samtals lengd útgefinis efnis á 18 mánaða tímabili).
ISRC kóðar eru til staðar fyrir hljóðritin (sérstakar reglur gilda fyrir kvikmyndatónlist).
Hljóðritin hafi verið gefin út og eru aðgengileg almenningi.
Umsókn skal send beint á postur@mvf.is og skal fylgja umsóknarferli sem lýst er á vef Record in Iceland.
Verkefnið vann útflutningsverðlaun á Degi íslenskrar tónlistar árið 2021 og hefur ÚTÓN verið með kynningar á Record in Iceland í Bretlandi, Þýskalandi, Bandaríkjunum, á Norðurlöndunum og víðar. Áhugi á upptökum hér á landi fer sívaxandi enda hljóðverin hér mörg hver á heimsmælikvarða. Allar frekari upplýsingar má finna á vef Record in Iceland.