Kynningarefni og tengslamyndun á tónlistarhátíðum
Þriðjudaginn 6. september kl. 19.30-22.00 í Norræna húsinu
Fyrsta fræðslukvöld vetrarins hjá ÚTÓN verður helgað kynningarefni og tengslamyndun á tónlistarhátíðum og er tilvalið tækifæri fyrir hljómsveitir að undirbúa sig fyrir hátíðir eins og Iceland Airwaves sem nálgast óðfluga. Leitast verður við að svara eftirfarandi spurningum:
- Hvernig kemur þú tónlistinni þinni á framfæri?
- Hvernig á kynningarefni að vera, eru reglur eða á að brjóta allar reglur?
- Hvernig er best að tryggja aðgang að tónlist, myndum, myndböndum og öðrum upplýsingum?
- Hvernig kemst maður yfir allt sem þarf að gera og hvernig er best að hafa hlutverkaskipti?
- Hvernig færðu sem mest út úr tónlistarhátíðum?
Haukur S. Magnússon, ritstjóri The Reykjavík Grapevine, mun fara yfir hvernig best er fyrir tónlistarfólk að koma frá sér efni frá öllum hliðum. Kamilla Ingibergsdóttir fer yfir samfélagsmiðla og hvernig nýta má þá í þessum tilgangi. Egill Tómasson hjá Iceland Airwaves, Eygló Scheving í Vikcy, Grímur Atlason hjá Iceland Airwaves og Ragnar Ólafsson úr Árstíðum munu síðan deila reynslu sinni og veita góð ráð.
Námskeiðsgjald er 5000 krónur og 3000 krónur fyrir félagsmenn FTT, TÍ, FÍH, FÍT og FHF. Nauðsynlegt er að skrá sig fyrirfram. Skráning og nánari upplýsingar hjá Kamillu Ingibergsdóttur, kamilla@icelandmusic.is og í síma 863 3499.