Styrkir og sjóðir


ÚTÓN sér um umsýslu fyrir sjóðina Útflutningssjóður íslenskrar tónlistar og Reykjavík Loftbrú. Það er grundvallarmunur á þessum tveimur sjóðum: mismunandi kröfur til umsækjenda, mismunandi umsóknareyðublöð, önnur stjórn og aðrir bakhjarlar.

Vinsamlegast athugið að ef þið hafið spurningar um Útflutningssjóð íslenskrar tónlistar er hægt að nálgast umsjónaraðila á utflutningssjodur [hjá] icelandmusic.is.

Til þess að hafa samband við Loftbrú sendið línu á loftbru [hjá] gmail.com.

Útflutningssjóður íslenskrar tónlistar

Útflutningssjóður íslenskrar tónlistar, veitir ferðastyrki mánaðarlega og markaðsstyrki ársfjórðungslega. Ferðastyrkirnir eru veittir í formi peninga, miðað við 50.000 kr. á hljómsveitarmeðlim. Leyfilegt er að taka 1 aðstoðarmann í ferðina. Þá er átt við umboðsmann eða hljóðmann. Sjóðurinn er fjármagnaður af Mennta- og menningarmálaráðuneytinu. Athugið að fjárhagsáætlun þarf að fylgja umsókn.

Lestu meira og sæktu um hér.

 

Reykjavík Loftbrú

Reykjavík Loftbrú er styrktarsjóður sem veitir styrkþegum ódýrari flugmiða á áfangastaði Icelandair. Icelandair er aðal styrktaraðili Reykjavík Loftbrú og auk Icelandair eru FÍH, STEF, FHF, og Reykjavíkurborg bakhjarlar sjóðsins. Ef umsókn þín er samþykkt þá færð þú úthlutað flugmiða. Þú þarft einungis að borga skatta, þjónustugjald og bensíngjald. Það má gera ráð fyrir að það sé í kring um 24.000 – 32.000 kr. þegar farið er til Evrópu, og 45.000 – 50.000 kr. til Bandaríkjanna. Ef heildarkostnaður flugmiðans fer yfir 80.000 kr. þá borgar þú einnig kostnað umfram það. Þú þarft að skila in staðfestingu á tónleikahaldi til þess að umsóknin verði tekin til greina. Hægt er að sækja um auka farangursheimild í umsóknareyðublaði.

Lestu meira og sæktu um hér.

 

Aðrir styrkir

Ef þú ert ekki að fara í tónleikaferðalag, né ert að fara að markaðssetja útgáfu, þá getur verið að hvorki Útflutningssjóður né Reykjavík Loftbrú eiga við þig. Það er samt nóg um styrki til þess að sækja um og er hægt að nálgast góðan lista yfir þá styrki sem eru í boði fyrir tónlistarmenn hér.

 

Svör við algengum spurningum
  • Ekki er hægt að veita afslátt á flugmiðum sem þegar hafa verið keyptir, ef styrkur frá Reykjavík Loftbrú hlýst eftir kaupin.
  • Þú þarft ekki að skila inn staðfestingu á tónleikahaldi þegar sótt er um ÚÍT.
  • Þú þarft ekki að skila inn fjárhagsáætlun þegar sótt er um Reykjavík Loftbrú.
  • Það þarf að borga hefðbundinn tekjuskatt af næstum öllum styrkjum, sjá hér.
  • Hér getur þú lesið um fjárhagsáætlanagerð vegna ferðastyrkja úr Útflutningssjóði.