Í stjórn sjóðsins sitja þau Ragnhildur Gísladóttir formaður, Sigtryggur Baldursson, fyrir hönd ÚTÓN, og Kamilla Ingibergsdóttir, markaðs- og kynningarstjóri Iceland Airwaves. Varamenn eru þau Árni Heimir Ingólfsson, Tómas Young og Margrét Örnólfsdóttir.

Útflutningssjóður íslenskrar tónlistar starfar skv. reglum samþykktum af mennta- og menningarmálaráðherra þann 5. febrúar 2013. Hlutverk útflutningssjóðs íslenskrar tónlistar er að styrkja íslenskt tónlistarfólk við að koma tónlist sinni til stærri áheyrendahóps, á stærri markaði og auka möguleika þess á velgengni utan Íslands. Með sjóðnum verður til aukin fjárhagsaðstoð til tónlistarfólks á tónleikaferðalögum, aukin aðstoð til tónlistarfólks við þróun verkefna, aukin tækifæri til að komast á erlendar tónlistarhátíðir og auknir möguleikar skapast á tengslamyndun.

Ísland er afar lítill markaður. Mikilvægt er að auðvelda íslensku tónlistarfólki að koma tónlist sinni á framfæri sem víðast. Sú reynsla, þekking og sambönd sem skapast hafa innan ÚTÓN verða nýtt til að aðstoða tónlistarfólk í viðleitni sinni til að ná inn á stærri markaði.

Útflutningssjóður mun, með aðstoð reynslu- og kunnáttufólks, gera tónlistarfólki betur kleift að þróa og fullvinna verkefni sín, aðstoða það við tónleikaferðalög og aðra markaðssetningu.

Til að fá afslátt af miðakaupum, smelltu hér.

Nánari upplýsingar um PrimaveraPro og tilboð til íslenskra aðila.

Á meðal fyrirlesara var Rob Challice en Rob er mikill reynslubolti sem hefur starfað sem bókari, tónleikahaldari og hátíðarhaldari í meira en 27 ár. Hann er einn af stofnendum Coda Agencybókunarskrifstofunnar í London en hún var stofnuð árið 2002. Skrifstofan bókar tónleika fyrir hljómsveitir aðallega í Evrópu. Hljómsveitir sem Rob bókar eru m.a. Billy Bragg, Bon Iver, Beirut, Yo La Tengo, Stornoway, tUnE-yArDs, Sufjan Stevens, Warpaint, Sóley and Kings Of Convenience. Rob sagði frá sinni vinnu með hljómsveitunum sem hann starfar með, útskýrði hvernig hljómsveitir og bókarar byrja að vinna saman.

Að lokum var hringborðsumræða sem Sigtryggur Baldursson, framkvæmdastjóri ÚTÓN, stýrði. Á meðal gesta í hringborðsumræðunum voru Sunna Gunnlaugsdóttir, djasspíanisti, Sóley Stefánsdóttir, tónlistarkona og Rob Challice.

• Glærur frá Sigtryggi Baldurssyni og Rob Challice

Á fræðslukvöldinu verður leitast við að svara spurningum svo sem hvernig finna hljómsveitir sér bókara, hversu mikið fá bókarar greitt af innkomu tónleika erlendis, hvernig samkomulag gera hljómsveitir við þá og hvað ber að forðast þegar samið er við bókara, á hvaða tímapunkti þurfa hljómsveitir að fá sér bókara, geta hljómsveitir séð um bókanir á tónleikum sjálfar og svo framvegis.

Á meðal fyrirlesara verður Rob Challice en Rob er mikill reynslubolti sem hefur starfað sem bókari, tónleikahaldari og hátíðarhaldari í meira en 27 ár. Hann er einn af stofnendum Coda Agency bókunarskrifstofunnar í London en hún var stofnuð árið 2002. Skrifstofan bókar tónleika fyrir hljómsveitir aðallega í Evrópu. Hljómsveitir sem Rob bókar eru m.a. Billy Bragg, Bon Iver, Beirut, Yo La Tengo, Stornoway, tUnE-yArDs, Sufjan Stevens, Warpaint, Sóley and Kings Of Convenience. Rob mun segja frá sinni vinnu með hljómsveitunum sem hann starfar með, útskýra hvernig hljómsveitir verða sér úti um bókara og almennt ausa úr sínum viskubrunni.

Þá verður hringborðsumræða sem Sigtryggur Baldursson, framkvæmdastjóri ÚTÓN, stýrir. Á meðal gesta í hringborðsumræðunum verður Hallur Kr. Jónsson meðlimur hljómsveitarinnar Bloodgroup og Sóley Stefánsdóttir tónlistarkona.

Námskeiðsgjald er 3000 krónur og 2000 krónur fyrir félagsmenn FTT, TÍ, FÍH, FÍT og FHF. Innifalið í námskeiðsgjaldi eru námskeiðsgögn og létt hressing. Nauðsynlegt er að skrá sig fyrirfram. Skráning fer fram með því að senda tölvupóst á tomas@icelandmusic.is.

Nánari upplýsingar veitir Tómas Young í síma 527 9999.

Vinsamlega tilkynnið komu ykkar hjá Tómas Young, tomas@icelandmusic.is, eða í síma 527 9999, fyrir kl. 12 föstudaginn 1. febrúar.

Erlendir blaðamenn og listrænir stjórnendur sem verða á staðnum:

Faith Wilson

Almannatengill: Faith Wilson Arts Publicity (UK)

Fiona Talkington

Útvarpskona á BBC (UK)

Lyndon Jones

Úvarpsmaður á BBC o.fl. (UK)

Hilary Finch

The Times (UK)

Henk Heuvelmans

Listrænn stjórnandi á Gaudeamus Muziek Week (NL)

Mark Delaere

Listrænn stjórnandi Transit Festival (BE)

Joost Fonteyne

Listrænn stjórnandi Festival van Vlaanderen (BE)

Bert Palinckx

Listrænn stjórnandi November Music (NL)

Graham Mckenzie (forfallast)

Listrænn stjórnandi Huddersfield Contemporary Music Festival (UK)

Roland Spekle

Listrænn stjórnandi November Music (NL)

Andreas Engström

Blaðamaður: Nutida Musik (SE), World New Music Magazine (UK)

Lars Petter Hagen

Listrænn stjórnandi Ultima Festival (NO)

Efni vinnustofunnar er ætlað á faglegan og skemmtilegan hátt að uppfræða alla sem vilja öðlast dýpri skilning á réttindum tón- og textahöfunda auk flytjenda og útgefenda. Þetta er tilvalinn vettvangur fyrir tónlistarmenn, viðskiptastjóra auglýsingastofa, auglýsingaframleiðendur, kvikmyndaframleiðendur, framleiðendur sjónvarpsefnis og framleiðenda netefnis þar sem fræðast má um hvaða notkun er leyfileg, hver ekki og hvernig fengið er leyfi fyrir löglegri notkun.

Í hópi þátttakenda verða einstaklingar sem semja tónlist og þeir aðilar sem sérhæfa sig í að útvega leyfi til notkunar á bæði íslenskri og erlendri tónlist.

Músíkmýtur fara fram 6. febrúar frá 13:00-18:00 í Hörpu.

Hér má lesa meira um viðburðinn.

Sjóðurinn einsetur sér að styðja við verkefni af ólíkum toga og vill þannig ýta undir fjölbreytt tónlistarlíf í Hörpu. Meðal þeirra þátta sem stjórn sjóðsins lítur til í afgreiðslu umsókna er að verknið nýti möguleika Hörpu sem tónlistarhúss og hafi möguleika á að höfða til nýrra áheyrandahópa.

Tónlistarsjóður Hörpu fyrir ungt fólk, sem síðar fékk nafnið Ýlir, var stofnaður í lok árs 2010 þegar Menningarsjóði SPRON var slitið með úthlutun til ýmissa mennta-, menningar- og góðgerðarmála.

Alls var 80 milljónir króna varið til stofnunar þessa tónlistarsjóðs sem ætlaður er til þess að veita ungu og efnilegu tónlistarfólki tækifæri á að koma fram í hinu nýja tónlistarhúsi, Hörpunni um ókomin ár.

Fyrsta verkefni sjóðsins fór fram í mars á þessu ári þegar sjóðurinn studdi við Nótuna, uppskeruhátíð tónlistarskóla sem fram fóru í Hörpu. 

Frekari upplýsingar um umsóknarferlið og umsóknareyðublað má finna á nýopnaðri vefsíðu sjóðsins; www.ylir.is.

Umsóknarfrestur er til 20. janúar.

Lögð er áhersla á að kynna lög af nýjum útgáfum á Íslandi sem ætlaðar eru fyrir alþjóðlega útgáfu og komið hafa út seinni hluta ársins 2012 eða eru væntanlegar á markað fyrri hluta árs 2013. Stefnt er að því safndiskurinn innihaldi lög með 15–20 listamönnum sem endurspegla fjölbreytileika og gæði íslenskrar tónlistar um þessar mundir.

Þátttaka í verkefninu er tónlistarmönnum algjörlega að kostnaðarlausu en eðli verkefnisins vegna eru þátttakendum sett nokkur skilyrði:

- Verða að hafa gefið út plötu eftir 1. júní 2012 eða vera með plötuútgáfu í bígerð fyrir 1. júní 2013 nk. á Íslandi og erlendis.
- Hafa dreifingarsamning á Bandaríkjamarkaði. Stafræn dreifing gildir svo framarlega sem lagið sem sent er inn sé fáanlegt á iTunes í Bandaríkjunum. Lagið verður að vera fáanlegt á iTunes í Bandaríkjunum, hvort sem platan sem inniheldur lagið er komin út eða ekki.

Athugið að umsóknir sem uppfylla ekki ofangreind skilyrði verða ekki teknar til skoðunar.

Umsóknarferlið er þannig:

Fylla þarf út umsóknareyðublað sem er að finna hér: Made in Iceland 6 umsókn. Umsóknina skal senda ásamt MP3 og WAV útgáfu af lagi og ljósmynd í hárri upplausn á umsjónarmann verkefnisins á netfangið tomas@icelandmusic.is. Við mælum með heimasíðunni www.wetransfer.com til að senda efnið. Athugið að hver listamaður getur aðeins sent eitt lag/eina umsókn.

Stefnt er að því að svara umsóknum fyrir 15. febrúar næstkomandi.

Lögin eru valin af þremur samstarfsaðilum ÚTÓN í Bandaríkjunum sem jafnframt munu annast kynningu disksins vestra. Samstarfsaðilarnir meta hvert lag með tilliti til þess hversu líklegt það er til að ná árangri á háskólaútvarpsstöðvum annars vegar og hjá tónlistarstjórnendum (e. music supervisors) hins vegar.

Samstarfsaðilarnir eru:

- Planetary Group, útvarpsplöggarar
- The Talent House, sala á tónlist í myndefni
-Lanette Phillips, framleiðandi kvikmyndamyndbanda og gestgjafi á kynningarviðburði sem haldinn er á vegum verkefnsins í Los Angeles.

Umsóknarfrestur er til og með 24. janúar.

Nánari upplýsingar veitir Tómas Young, tomas@icelandmusic.is, s. 527 9999.